“O‘zbekiston (Surxondaryo) – Xitoy” xalqaro forumi doirasida Xitoy Xalq Respublikasining O‘zbekistondagi Favqulodda va muxtor elchisi Yuy Szyun Termizga tashrif buyurdi.
Termiz xalqaro aeroportida elchini kutib olish jarayonida Surxondaryo viloyati hokimi Ulug‘bek Qosimov bilan qisqa muloqot bo‘lib o‘tdi.
Suhbat davomida “O‘zbekiston (Surxondaryo) – Xitoy” xalqaro forumining ahamiyati, viloyatning Xitoy bilan savdo-iqtisodiy va investitsiyaviy hamkorligini yanada kengaytirish, shuningdek, yangi istiqbolli loyihalarni amalga oshirish masalalari yuzasidan fikr almashildi.
Ta’kidlanganidek, mazkur xalqaro forum Surxondaryoning Xitoy hududlari va ishbilarmon doiralari bilan to‘g‘ridan to‘g‘ri aloqalarini rivojlantirish, xorijiy investitsiyalarni jalb etish hamda o‘zaro manfaatli hamkorlikni yangi bosqichga olib chiqish uchun muhim muloqot maydoni bo‘lib xizmat qiladi.
Forum doirasida hududlararo hamkorlikni mustahkamlash, savdo-iqtisodiy aloqalarni kengaytirish va yangi investitsiyaviy loyihalarni hayotga tatbiq etishga alohida e’tibor qaratilmoqda.
Ma’lumot o‘rnida: “O‘zbekiston (Surxondaryo) – Xitoy” xalqaro forumi 14–16-avgust kunlari Termiz xalqaro savdo markazining erkin savdo zonasida ilk bor o‘tkazilmoqda.
