Mehnat — farovonlik va baraka manbai. Buni nafaqada bo‘lishiga qaramay, halol mehnatdan to‘xtamayotgan Angor tumanining Chinobod mahallasida yashovchi Orol bobo Bobomurodov faoliyati misolida ham ko‘rish mumkin.
Orol bobo yillar davomida dehqonchilik, chorvachilik va parrandachilik bilan shug‘ullanib, oilasi farovonligiga o‘z mehnati bilan hissa qo‘shib kelmoqda. Bundan 8 yil avval tashkil etgan issiqxonasida ham mo‘l hosil yetishtirib, daromadini ko‘paytirmoqda.
— Issiqxona tashkil qilganimizga 8 yil bo‘ldi. Dehqonchilik, chorvachilik va parrandachilikdan daromadimiz yaxshi. Eng muhimi, o‘z mehnatimiz bilan ro‘zg‘orimizni obod qilib kelyapmiz, — deydi Orol bobo.
Orol boboning hayot yo‘li mehnatsevarlik, tadbirkorlik va yerga mehr bilan yondashish inson farovonligining mustahkam poydevori ekanini ko‘rsatib turibdi.
