Ijtimoiy himoyaga muhtoj fuqarolarni qo‘llab-quvvatlash, ularga davlat xizmatlaridan foydalanishda qulaylik yaratish va ortiqcha ovoragarchiliklarning oldini olishga qaratilgan yangi tartiblar joriy etilmoqda.
Yangi tartibga ko‘ra, I yoki II guruh nogironligi belgilangan fuqarolarga nogironlik pensiyasi ayrim hollarda alohida arizasiz, murojaat qilmasdan tayinlanishi mumkin.
Shuningdek, fuqaro pensiya tayinlanganidan keyin kamida bir yil ishlagan bo‘lsa, uning pensiyasi har ikki yilda bir marta murojaatisiz qayta hisoblab chiqiladi.
Yana bir muhim yangilik — barcha chegirmalar amalga oshirilganidan keyin fuqaroning qo‘liga tegadigan pensiya miqdori eng kam iste’mol xarajatlaridan kam bo‘lmasligi belgilanmoqda.
Mazkur tartiblar nogironligi bo‘lgan fuqarolarning ijtimoiy himoyasini kuchaytirish, pensiya olish jarayonini soddalashtirish va ularning manfaatlarini yanada ishonchli ta’minlashga xizmat qiladi.
