Bandixon tumanidagi 3-sonli umumta’lim maktabida Vatan himoyasi, mardlik va qat’iyat ruhida tarbiyalanayotgan yoshlar uchun muhim sinovlar bo‘lib o‘tdi.
“Jasorat maktablari”ga hujjat topshirgan o‘quvchilar o‘zlarining jismoniy tayyorgarligi, chaqqonligi va irodasini sinovdan o‘tkazishdi.Sinovlar davomida yoshlar 5 ta sport turi bo‘yicha o‘z imkoniyatlarini namoyon etdilar.
Bu yil Bandixon tumanida “Jasorat” sinfiga 88 nafar o‘quvchi hujjat topshirgan bo‘lsa, ular orasidan 26 nafar eng munosib va irodali yosh ushbu sinfga qabul qilinadi. Zero, Jasorat maktabi — shunchaki ta’lim maskani emas. Bu yerda kelajak himoyachilari, el-yurtga sadoqatli, jismonan baquvvat va ruhan kuchli avlod tarbiyalanadi.
