Surxondaryo viloyati hokimi topshirig‘iga muvofiq, Termiz davlat universiteti huzuridagi Hududiy tadqiqotlar markazi mutaxassislari Boysun tumanida hudud imkoniyatlarini atroflicha o‘rgandi.
O‘rganishlar davomida tabiiy resurslardan samarali foydalanish, aholi bandligini oshirish va yangi ish o‘rinlari yaratish bo‘yicha amaliy tahlillar olib borildi. Shuningdek, nuroniylar bilan uchrashuvlarda hudud iqtisodiyoti, qishloq xo‘jaligi, ijtimoiy sohalar va turizmni rivojlantirish masalalari muhokama qilindi.
Yakunida Boysun tumanini kompleks rivojlantirish hamda aholi farovonligini oshirishga qaratilgan qator amaliy takliflar ilgari surildi.
