Qoraqalpog‘iston Respublikasida voleybol bo‘yicha U-17 qizlar o‘rtasida Respublika chempionati o‘tkazildi. Musobaqada mamlakatimizning turli hududlaridan kelgan jamoalar o‘z mahoratini sinovdan o‘tkazdi.
Unda Boysun tumani sport maktabi voleybol treneri Abdulaziz Fayzullayev shogirdlari bilan faol ishtirok etib, kuchli raqiblarni ortda qoldirdi va faxrli 2-o‘rinni qo‘lga kiritdi.
Mazkur natija yosh sportchilarning mashaqqatli mehnati hamda murabbiylarning samarali tayyorgarligi samarasi bo‘lib, kelgusida yanada yuqori marralarni zabt etishiga zamin yaratadi.
