Hududlarda qishloq xo‘jaligi ekinlarini samarali parvarishlash va hosildorlikni oshirishga alohida e’tibor qaratilmoqda.
Shu maqsadda Oltinsoy tumani hokimi Otabek Mavlyanov “Oqarbuloq” mahallasida “Bir kontur, bir mahsulot” tamoyili asosida ekilgan piyoz hamda boshqa sabzavot ekinlari parvarishi bilan tanishdi.
O‘rganish jarayonida sug‘orish, o‘g‘itlash, begona o‘tlarni tozalash kabi agrotexnik tadbirlar ko‘zdan kechirildi. Shuningdek, ekinlarning sifatli yetilishi va hosildorligini oshirish yuzasidan mutasaddilarga tegishli tavsiyalar berildi.
Tuman hokimi yer unumdorligini saqlash va qishloq xo‘jaligi ekinlarini samarali parvarishlash bo‘yicha qo‘shimcha topshiriqlar berdi.
