O‘zbekiston Respublikasi Prezidentining 3-martdagi farmoniga muvofiq, Tolib Bayzakov Surxondaryo viloyati sudi raisi lavozimiga tayinlandi.
Shu munosabat bilan viloyat sudi binosida yangi rahbarni tanishtirish marosimi o‘tkazildi. Unda O‘zbekiston Respublikasi Oliy sudi raisi Baxtiyor Islamov hamda Surxondaryo viloyati hokimi Ulug‘bek Qosimov ishtirok etdi.
Tadbirda sud tizimida uzoq yillar samarali faoliyat yuritib, hozirda pensiyaga kuzatilayotgan sobiq rais Abulqosim Ro‘ziqulovning xizmatlari e’tirof etildi.
Shuningdek, yangi tayinlangan raisga mas’uliyatli faoliyatida muvaffaqiyat tilanib, hududda qonun ustuvorligi va adolat tamoyillarini ta’minlash, sud organlari bilan hamkorlikni yanada mustahkamlash muhim vazifa ekani ta’kidlandi.
