Viloyat bolalar kutubxonasi va Termiz shahridagi 11-sonli umumiy o‘rta ta’lim maktabi hamkorligida O‘zbekiston xalq shoiri Erkin Vohidov ijodiga bag‘ishlangan “Inson qasidasi” nomli davra suhbati bo‘lib o‘tdi.
Tadbir davomida shoirning hayoti, sermazmun ijodi va adabiyotimizdagi o‘rni haqida atroflicha ma’lumotlar berildi. Xususan, uning insonparvarlik, vatanparvarlik va ma’naviy yetuklik g‘oyalarini tarannum etuvchi asarlari muhokama qilindi.
O‘quvchilar “Inson qasidasi” asari mazmuni asosida fikr-mulohazalar bildirdilar va she’rlardan parchalarni ifodali tarzda o‘qib, shoir ijodini yuksak qadrlashlarini namoyon etdilar.
