Termiz harbiy prokurori o‘rinbosari A.Almaradonov ishtirokida Termiz garnizonidagi Mudofaa vazirligi tizimidagi harbiy qismda profilaktik tadbir tashkil etildi. Tadbirda harbiy xizmatchilar va xizmatchi xodimlarga giyohvandlik va psixotrop moddalarning noqonuniy savdosi, iste’molga jalb qilish holatlari hamda buning qonuniy oqibatlari haqida atroflicha tushuntirish berildi.
Shuningdek, ishtirokchilarga bu kabi salbiy illatlar inson salomatligi, jamoaviy intizom va jamiyat xavfsizligiga qanday ta’sir ko‘rsatishi, shuningdek, harbiy xizmatchi sifatida shaxsiy javobgarlik mas’uliyati tushuntirildi. Yakunda harbiy xizmatchilarga huquqbuzarliklarning oldini olish va giyohvandlikka qarshi munosabatda faollik ko‘rsatish muhimligi alohida ta’kidlandi.
