“Tirik tarix” film loyihalari doirasida “Yulduzlar shu’lasi: Jomiy va Navoiy” filmi tasvirga olinmoqda. Ushbu dasturga jami 54 ta tarixiy film kiritilgan.
Film Kinematografiya agentligi buyurtmasiga binoan “O‘zbekfilm” kinokonserni va “Tojikfilm” kinostudiyasi hamkorligida ishlab chiqilmoqda.
Suratga olish ishlari 2025-yil davomida Tojikiston Respublikasining Dushanbe va Xo‘jand shaharlarida hamda O‘zbekistonning Buxoro viloyatida tasvirga olindi. Filmning so‘nggi sahnalari joriy yilning 25-yanvar kuni “O‘zbekfilm” pavilyonida tasvirga olinishi rejalashtirilmoqda.
Film ijodiy jamoasi O‘zbekiston va Tojikiston kinoijodkorlaridan shakllantirilgan bo‘lib, postanovkachi rejissorlar Dilmurod Masaidov (O‘zbekiston) va Fayzullo Fayzov (Tojikiston) hamkorlikda ishlashmoqda.
