Para taekvondo sport turi bo‘yicha O‘zbekiston chempionati yuqori saviyada o‘tkazildi. Mazkur nufuzli musobaqada Termiz Olimpiya va paralimpiya sport turlariga tayyorlash markazi sportchilari faol ishtirok etib, o‘zlarining mahorati va qat’iyatini namoyon etdilar.
Musobaqa yakunlariga ko‘ra, markazning 1-bosqich talabasi Asilbek Norturayev munosib bellashuvlar orqali faxrli 3-o‘rinni qo‘lga kiritdi. Shuningdek, 11-sinf o‘quvchisi Sug‘diyona Normuminova raqiblaridan ustun kelib, faxrli 1-o‘rinni egalladi va chempionlikni qo‘lga kiritdi.
Ushbu natijalar Termiz sport maktabida para sport turlariga qaratilayotgan e’tibor, sportchilarga yaratilayotgan shart-sharoitlar hamda murabbiylar mehnatining samarali natijasi ekanini yana bir bor tasdiqlaydi.
