Bandixon tumanidagi “Obod yurt” mahallasida joylashgan 42-oilaviy poliklinikaning “Mustaqillik” filiali mukammal ta’mirdan chiqarilib, foydalanishga topshirildi. Ushbu ezgu tashabbus “Obod yurt” mahallasi aholisi uchun Yangi yilda chinakam quvonchli tuhfa bo‘ldi.
Ta’mirlash jarayonida poliklinika binosining ichki va tashqi qismi to‘liq yangilanib, zamonaviy tibbiy xizmat ko‘rsatish talablariga mos holga keltirildi. Shifokorlar va hamshiralar uchun qulay ish sharoitlari yaratildi, bemorlar qabulini yanada sifatli va samarali tashkil etish imkoniyati kengaydi.
Mazkur yangilanish aholi salomatligini mustahkamlash, birlamchi tibbiy xizmat sifatini oshirish hamda fuqarolarga yanada qulay va tezkor tibbiy yordam ko‘rsatishga xizmat qiladi. Eng muhimi, ushbu loyiha davlatimiz tomonidan sog‘liqni saqlash tizimini rivojlantirish va aholining turmush farovonligini oshirishga qaratilayotgan doimiy e’tiborning yana bir yaqqol ifodasidir.
