Surxondaryoda qishloq xo‘jaligi mahsulotlarini yetishtirish va eksportini kengaytirishga qaratilgan “Angor agro star” loyihasi hamda Angor tumanida barpo etiladigan “Sohil siti” majmuasi taqdimoti o‘tkazildi.
Viloyat hokimi Ulug‘bek Qosimov “Xalq banki” ko‘magida amalga oshirilayotgan agrokompleksda piyoz, brokkoli, karam va gulkaram yetishtirish hamda eksportga yo‘naltirish jarayonlari bilan tanishdi.
Shuningdek, “Navro‘z” mahallasidan o‘tuvchi kanal bo‘yida qurilishi rejalashtirilgan “Sohil siti” loyihasi bo‘yicha qurilish talablari, infratuzilma va shaharsozlik yechimlari muhokama qilindi. Tadbirkorlar bilan uchrashuvda ularning muammolari tinglanib, mas’ullarga tegishli topshiriqlar berildi.
