9-dekabr — Korrupsiyaga qarshi kurashish kuni munosabati bilan Surxondaryo viloyati Favqulodda vaziyatlar boshqarmasida matbuot anjumani tashkil etildi.
Matbuot anjumanida boshqarma rahbariyati, mas’ul xodimlar hamda ommaviy axborot vositalari vakillari ishtirok etib, korrupsiyaning davlat boshqaruvi va jamiyat hayotiga salbiy ta’siri, unga qarshi kurashishda tizimli yondashuvning ahamiyati haqida batafsil axborot berildi.
Anjumanda sohada ochiqlik va shaffoflikni ta’minlash, xodimlar o‘rtasida halollik tamoyillarini mustahkamlash, korrupsion holatlarning oldini olish yuzasidan amalga oshirilayotgan ishlar, shuningdek, aholining huquqiy madaniyatini oshirishga qaratilgan profilaktik tadbirlar haqida ma’lumotlar taqdim etildi.
Shuningdek, jurnalistlar o‘zlarini qiziqtirgan savollar bilan murojaat qildi va mutasaddilar tomonidan ularga atroflicha javoblar berildi. Tadbir yakunida korrupsiyaga qarshi kurashish bo‘yicha kelgusidagi rejalar va ustuvor vazifalar belgilab olindi.
Bekmurod Makhmatqulov,
Viloyat Favqulodda vaziyatlar boshqarmasi
bo‘lim boshlig‘i, mayor
