O‘zbekistonda to‘lov tizimi yanada qulay va ochiq bo‘lishi yo‘lida muhim yangilik joriy etilmoqda. Markaziy bank tashabbusi bilan jismoniy shaxslar bank hisobvaraqlaridan to‘g‘ridan-to‘g‘ri o‘tkazmalarni amalga oshirish imkonini beruvchi mobil raqamga asoslangan yangi xizmat yo‘lga qo‘yiladi.
Yangi tartib fuqarolarga o‘z maoshini qaysi bank yoki elektron hamyon provayderi orqali olishni mustaqil tanlash imkoniyatini beradi. Bu esa ish beruvchilar tomonidan majburiy ravishda ma’lum bir bankka bog‘lab qo‘yish amaliyotini bartaraf etib, raqobatni oshiradi va mijozlar uchun qulaylik yaratadi.
Tizim ishga tushishi bilan fuqarolar ko‘proq xizmat sifati, past tariflar va mobil ilovalardagi imkoniyatlarga ko‘ra o‘zlariga eng ma’qul bo‘lgan bankni bemalol tanlay oladi.
