O‘zbekiston Respublikasi Oliy Majlisi huzuridagi Fuqarolik jamiyati institutlarini qo‘llab-quvvatlash jamoat fondining Surxondaryo viloyat bo‘linmasi e’lon qilgan davlat granti tanlovida viloyat Xotin-qizlar tadbirkorlik markazining “Hunari bor – xor bo‘lmas” loyihasi g‘olib deb topildi.
Loyiha doirasida 5 nafar ayolning bandligini ta’minlash, ularni kambag‘allikdan chiqarish rejalashtirilgan. Sherobodlik Adolat Ostanqulovna o‘zini o‘zi band qilish uchun tikuv mashinasi, overlok va dazmol bilan ta’minlandi.
Tashabbus Prezident Shavkat Mirziyoyevning xotin-qizlar mehnat huquqlarini kafolatlash va ularning ijtimoiy faolligini oshirishga qaratilgan siyosati doirasida amalga oshirilmoqda.
Bugungi kunda markaz tomonidan 8 mingdan ortiq ayollar 21 yo‘nalishda kasb-hunarga o‘qitilgan, bu esa ularning iqtisodiy mustaqilligini va jamiyatdagi o‘rnini yanada mustahkamlashga xizmat qilmoqda.
