Qumqo‘rg‘onlik faxrimiz, yosh va iqtidorli taekvondochi Jahongir Xudoyberdiyev Xitoyning Usi shahrida o‘tayotgan kattalar o‘rtasidagi Jahon chempionatida yorqin natijaga erishdi.
-54 kilogramm vazn toifasida jang olib borgan Jahongir yarim finalgacha yetib bordi va final yo‘lida Koreya Respublikasi vakili Syo Yonsu bilan kuch sinashdi. Shiddatli bahsda raqibiga biroz imkoniyat bergan bo‘lsa-da, u Jahon chempionatining bronza medalini qo‘lga kiritdi.
Bu natija nafaqat Jahongir Xudoyberdiyevning faoliyatidagi ilk jahon medali, balki terma jamoamiz uchun ham Usi-2025 musobaqasidagi ilk yutuq bo‘ldi.
