2025-yil adabiyot bo‘yicha Nobel mukofoti vengriyalik yozuvchi Laslo Krasnaxorkaiga berildi. Nobel qo‘mitasiga ko‘ra, u mukofotga “qiyomat dahshati muhitida ham san’at kuchini ishonch bilan tasdiqlagan ijodi” uchun sazovor bo‘lgan.
Laslo Krasnaxorkai — Markaziy Yevropa adabiy an’analariga mansub, epik, absurd va falsafiy asarlari bilan tanilgan yozuvchi. U 1985-yilda mashhur bo‘lgan “Shayton tango” romani bilan adabiyot olamida tanilgan. Ushbu roman asosida rejissyor Bela Tarr tomonidan 7 soatlik film suratga olingan.
Yozuvchi asarlarida Sharq madaniyati, xususan Mo‘g‘uliston va Xitoydan ilhom olgan. U “Urush va urush”, “Qarshilik melanxoliyasi”, “Si-van-mu oramizda” kabi asarlar muallifi. 2015 yilda esa Xalqaro Buker mukofotini qo‘lga kiritgan.
