Sho‘rchi tumanida ekologik holatni yaxshilash, atrof-muhitni asrash va fuqarolar ongini oshirish maqsadida tuman Ekologiya bo‘limi inspektorlari tomonidan o‘tkazilgan tezkor reyd davomida ikki nafar fuqaroning chiqindilarni tartibsiz tashlaganlik holati aniqlandi.
Natijada, fuqaro K.I.ga nisbatan Ma’muriy javobgarlik to‘g‘risidagi kodeksning 91-moddasi 1-qismi asosida bazaviy hisoblash miqdorida jarima qo‘llanildi. Fuqaro Z.K.ga esa MJtKning 91 prim ¹-moddasi 1-qismi bo‘yicha ma’muriy bayonnoma rasmiylashtirilib, u ham tartibsiz chiqindi tashlagani uchun javobgarlikka tortildi.
Tabiat bizga emas, biz tabiatga moslashishimiz kerak. Shu bois, har birimiz atrof-muhitga mas’uliyat bilan yondashib, chiqindilarni belgilangan joylarga tashlashga odatlanishimiz lozim. Shundagina jamiyat rivojlanadi, muhit tozalanadi, qonun ustuvor bo‘ladi.
