Samarqand shahridagi Turizm markazida para velosportning shosse yo‘nalishi bo‘yicha mamlakat birinchiligi start olgan edi. Yoshlar va kattalar o‘rtasida o‘tkazilgan musobaqada respublikamizning turli hududlaridan 200 nafarga yaqin atletlar bahs olib borishdi.
Turnirning ilk kunida sportchilar individual vaqt hamda guruh poygalarida ishtirok etishdi. Chempionatda Sariosiyo tumani sport maktabi treneri A.Narzullayev qo‘l ostida shug‘ullanib kelayotgan xalqaro T2 klassifikatsiya olgan Najmiddin Mirzayev guruh poygasida faxrli 1-o‘rinni hamda vaqt poygasida esa 2-o‘rinni egallab, viloyatimiz sharafini munosib himoya qildi.
