Angor tumanida 2026-yil hosili uchun g‘alla ekish ishlari boshlab yuborildi. Umumiy hisobda 6 ming gektar yer maydoniga g‘alla ekilishi rejalashtirilgan bo‘lib, dastlabki urug‘ sepish ishlari tumanning Zang hududida 20 gektar maydonda amalga oshirildi.
Mutasaddilar ta’kidlaganidek, ekin jarayonlari zamonaviy agrotexnik usullar asosida tashkil etilmoqda. Yangi mavsumga tayyorgarlik ko‘rish jarayonida tuproq unumdorligini oshirish, sifatli urug‘lardan foydalanish va zaruriy texnikalarni safarbar etish masalalariga alohida e’tibor qaratilgan.
Angor dehqonlari oldida muhim vazifa turibdi: qisqa muddatlarda barcha belgilangan maydonlarda ekin ishlarini yakunlash va keyingi bosqichlarda hosildorlikni ta’minlash. Shu orqali tuman aholisi ham, mamlakat oziq-ovqat xavfsizligi ham mustahkamlanishiga hissa qo‘shiladi.
