Sherobod tumani tobora chiroy ochib, yangilanib bormoqda. Tumanda barpo etilayotgan ijtimoiy va savdo-maishiy obyektlar nafaqat shahar ko‘rinishini yanada go‘zal qilmoqda, balki aholining hordiq chiqarishi uchun ham qulay sharoit yaratmoqda.
Shu jumladan, Bahor mahallasida zamonaviy va hashamatli “Gold Restorani” o‘z faoliyatini boshladi. Ochilish marosimida tuman hokimi Usmon Alimov, jamoatchilik vakillari va mehmonlar ishtirok etdi. Hokim yangi maskan bilan tumanda yanada bunyodkorlik ishlari kengayishini ta’kidlab, aholini tabrikladi.
Mazkur ezgu ish ehson asosida boshlandi. Restoran ilk bor kam ta’minlangan va ijtimoiy himoyaga muhtoj oilalar farzandlarining sunnat to‘ylari bilan ish boshlagani esa ko‘pchilikni hayratlantirdi va quvontirdi.
Endilikda “Gold Restorani” nafaqat mahalliy aholiga, balki tashrif buyuruvchi mehmonlarga ham xizmat qiladi. Bu maskan tumanning madaniy hayoti va iqtisodiy rivojida alohida o‘rin egallashi kutilmoqda.
