Surxondaryo viloyati Maktabgacha va maktab ta’limi boshqarmasi boshlig‘i Xusniddin Mamadiyev Sariosiyo tumanidagi maktablarda bo‘lib, ta’lim-tarbiya jarayonlarini yaqindan o‘rgandi. Tashrif davomida o‘quvchilarga yaratilgan sharoitlar, sinfxonalarning qulayligi va zamonaviy jihozlar bilan ta’minlanganlik darajasi ko‘zdan kechirildi.
Darsliklar bilan ta’minlanganlik, ta’lim sifatini oshirish yo‘nalishida olib borilayotgan ishlar o‘rganildi. Ma’naviy-ma’rifiy ishlarning samaradorligi, o‘quvchilar orasida odob-axloq qoidalariga amal qilinishi tahlil qilindi. Maktablarning bo‘sh turgan yer maydonlaridan unumli foydalanish masalalari ham e’tibordan chetda qolmadi.
Shuningdek, bolajonlar bilan samimiy suhbat o‘tkazilib, ularning kelajakdagi orzu-intilishlariga quloq tutildi. O‘rganishlar jarayonida aniqlangan kamchiliklarni qisqa muddatda bartaraf etish bo‘yicha mas’ullarga zarur tavsiyalar berildi. Shuningdek, boshqarma boshlig‘i tuman Maktabgacha va maktab ta’limi bo‘limi xodimlari bilan ham uchrashib, ularning taklif va tashabbuslarini tingladi.
