Bugungi kunda nuroniylar katta hayotiy tajribaga, qalb tafakkuriga ega shaxslardir. Ular har bir oila, mahalla, jamiyat uchun tinchlik va barqarorlik timsoli sanaladi.
Davlatimiz rahbarining tashabbusiga binoan, nuroniylarning hayotdan mamnun boʻlib yashashlari, ularga munosib ehtirom koʻrsatish, faol jamiyat a’zosi sifatida ularning taklif va tavsiyalaridan samarali foydalanish uchun qator imkoniyatlar yaratib berilmoqda.
Jumladan, “Nuroniylar maskani”, “Mahallabay ishlash tizimi”da nuroniylar faol ishtirok etib, yoshlarga oʻrnak boʻlib kelayotir. Shu bilan birga, nuroniylar milliy qadriyatlarimizni saqlash, yosh avlodni vatanparvarlik, odob-axloq, mehnatsevarlik ruhida tarbiyalashda beqiyos oʻrin tutadi. Ular tomonidan aytiladigan nasihatlar, maslahatlar, hayotiy maktabi desak mubolagʻa boʻlmaydi.
Shuningdek, turli sohalarda uzoq yillik mehnati sarflangan, yurtimiz taraqqiyotiga xissa qoʻshgan nuroniylarning jamoat ishlarida ham faolligi har tomonlama qoʻllab-quvvatlanmoqda. Termiz shahrida nuroniylar va yoshlar o‘rtasidagi hamkorlikni mustahkamlash, ma’naviy-ma’rifiy tarbiyani yanada kuchaytirish hamda nuroniylarning jamiyat hayotidagi faol o‘rnini yanada yuksaltirish maqsadida “Bir nuroniy – o‘n yoshga mas’ul” ko‘rik-tanlovining shahar bosqichi bo‘lib o‘tdi.Tanlovda shahrimizning turli mahallalarida faoliyat yuritib kelayotgan nuroniylar ishtirok etdi.
Tanlovda yoshlarga berayotgan ibratli hayoti, fidoyiligi va tajribasini keng jamoatchilikka namoyish etdilar. Tanlov yakunida 1-o‘rin— M.Negmatullayevaga (“Turon” mahallasi) — 1 875 000 so‘m) nasib etdi.Tadbir yakunida ishtirokchilarga tashakkurnoma va esdalik sovg‘alari topshirildi.
D.Mahmudova
