41 nafar yoshga imtiyoz

Prezident rahbarligida 2024-yil 13-dekabr kuni 2024-yilda ijtimoiy himoya sohasida amalga oshirilgan ishlar natijadorligi va 2025-yil uchun ustuvor vazifalar yuzasidan oʻtkazilgan videoselektor yigʻilishida berilgan vazifa ijrosi yuzasidan DTPI rektori O.Roʻziyev tashabbusi bilan Denov tumanidan 41 nafar oʻquvchi toʻgaraklarga bepul qabul qilindi.
Unda biologiya faniga qiziquvchi 4 nafar yosh “Biologiya va qishloq xoʻjalik mahsulotlarini texnologiyalari” kafedrasi qoshida tashkil etilgan “BIOLOGIYA” fan toʻgaragida oʻqitildi.
Kafedraning malakali oʻqituvchisi A.Bolliyev tomonidan oʻtilgan dars mashgʻulotlaridagi bilimlarni puxta egallagan Denov tumanidagi 97-umumta’lim maktabi oʻquvchisi Muxsina Xoʻjanazarova Denov tadbirkorlik va pedagogika institutining 1-kurs talabasi boʻlish baxtiga musharraf boʻldi.