Oʻzbekiston musulmonlari idorasi Surxondaryo viloyati vakilligi tashabbusi bilan hududdagi imom-xatiblar oʻrtasida sogʻlom turmush tarzini targʻib etish, jismoniy faollikni oshirish hamda jamoaviy hamfikrlikni mustahkamlash maqsadida mini futbol va stol tennisi sport turlari boʻyicha “Imom-xatib kubogi” musobaqasi tashkil etildi.
Musobaqa doirasida viloyatning barcha tuman va shaharlaridan faol ishtirok etgan imom-xatiblar oʻrtasida sogʻlom raqobat va doʻstona muhit shakllandi. Gʻolib va sovrindor jamoalar hamda individual ishtirokchilar alohida taqdirlandi.
Taqdirlash marosimi Angor tumanida boʻlib oʻtdi. Tadbir doirasida ishtirokchilarga diplom, kubok va esdalik sovgʻalari topshirildi. Mazkur sport tadbiri imom-xatiblarning salomatligini mustahkamlash, jamoaviy birdamlikni kuchaytirish va faol hayot tarzini ommalashtirish yoʻlida muhim qadam boʻldi.
