Boysun tumanida “Faol hayotga qadam” dasturi doirasida yana bir yangi xizmat kunduzgi qatnov asosida qarab turish xizmati yoʻlga qoʻyilib, oʻz faoliyatini boshladi. Ayni kunlarda mazkur maskanda oʻzgalar parvarishiga muhtoj shaxslarga xizmat koʻrsatiladi.
Mazkur maskanning tantanali ochilish marosimida tuman hokimi oʻrinbosari, “INSON” ijtimoiy xizmatlari markazi direktori, nuroniylar hamda keng jamoatchilik vakillari ishtirok etdilar. Kunduzgi qarab turish xizmati o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 62 ballgacha bo‘lgan 18 va undan katta yoshdagi “Kambag‘al oilalar reyestri” yoki “Ijtimoiy himoya yagona reyestri” axborot tizimiga kiritilgan shaxslarga, haftada 5 ish kuni davomida kuniga 8 soatgacha ko‘rsatiladi.
Shuningdek, 3 mahal issiq ovqat va qatnov uchun maxsus transport vositasi tashkil etilgan.
