Viloyat bolalar kutubxonasi hamda “Amudaryo” bolalar sog‘lomlashtirish oromgohi hamkorligida “90 kun amalda” loyihasi doirasida “Oromgohda hamma kitobxon” nomli ko‘rik-tanlov bo‘lib o‘tdi.
Tadbirning asosiy maqsadi — o‘quvchilarda kitobxonlik madaniyatini oshirish, yozgi ta’til davrida ham kitob mutolaasiga bo‘lgan qiziqishni yanada kuchaytirishdan iborat bo‘ldi.
Tanlovda ishtirokchilar ikki shart bo‘yicha bellashdilar. Har bir shartda o‘quvchilar o‘z bilim va mahoratlarini namoyish etishdi. Qizg‘in va bahsli tarzda o‘tgan bellashuv yakunida g‘oliblar aniqlanib, I, II va III darajali diplomlar hamda esdalik sovg‘alari bilan taqdirlandilar.
