Oltinsoy tumanidagi Mo‘minqul mahallasida e’tiborga molik ishlar bajarilmoqda. Mahalla ahli ko‘z o‘ngida qishloq — shaharcha tipidagi maskanga aylanib bormoqda.
Tuman hokimi Bahrom Maxmatrayemov tashabbusi bilan tumandagi mavjud masjid imomlari mahalladagi xonadonlarda bo‘lib, sharoitlar bilan tanishdi. Ko‘cha, uy va hovlilarni toza, ozoda saqlash borasida tushuntirish, targ‘ibot ishlarini olib bordilar. Shuningdek, masjid imomlari tomonidan mahalladagi yoshlar va oqsoqollar bilan ushrashuv o‘tkazildi. Muloqot davomida xalqimizning milly anʼanalaridan biri bo‘lgan hasharni, mahalladagi yosh-u keksaari hamjihatlikda o‘tkazish to‘g‘risida so‘z yuritildi.
Darvoqe, xalqimizda “Hamjihatlikda hikmat ko‘p” degan naql bejiz aytilmagan. Shunday ekan, barcha bir maqsad yo‘lida, hamjihatlikda harakat qilsa, albatta, ko‘zlagan maqsadiga erishadi.
