Angor tumanining “Navshahar” mahallasida aholining ijtimoiy himoyaga muhtoj qatlamini qo‘llab-quvvatlash maqsadida subsidiya asosida parrandachilik loyihasi amalga oshirildi.
Mahallada 860 ta oilada jami 3716 nafar aholi istiqomat qiladi. “Kambag‘allikdan farovonlik sari” dasturi doirasida 16 ta ehtiyojmand oilaga har biriga 50 tadan tovuq va 100 kilogramm parranda yemi tarqatildi.
Mazkur tashabbus aholining daromad manbalarini ko‘paytirish, kichik tadbirkorlikni rivojlantirishga qaratilgan bo‘lib, mahallada ijtimoiy barqarorlikni ta’minlashga xizmat qiladi.
