Termiz davlat muhandislik va agrotexnologiyalar universitetining Mexanika va konchilik ishi fakultetida “Dolzarb 90 kun” loyihasi doirasida robototexnika to‘garagi faoliyati yo‘lga qo‘yilgan.
To‘garak doirasida yoshlarga zamonaviy texnologiyalar asosida robototexnika yo‘nalishida nazariy bilim va amaliy ko‘nikmalar berilmoqda. Ular mustaqil ravishda amaliy loyihalar ustida ishlab, nafaqat texnik tafakkur va ko‘nikmalarni shakllantirmoqda, balki jamoaviy ishlash, innovatsion yondashuv va muammo yechish qobiliyatlarini ham rivojlantirmoqda.
Shuningdek, universitetda IT va ingliz tili bo‘yicha to‘garaklar ham samarali faoliyat olib bormoqda. Ushbu to‘garaklar talabalarining zamonaviy bilim va ko‘nikmalarini yanada mustahkamlashga xizmat qilmoqda.
