Ob-havoning juda issiq bo‘lishi g‘o‘za parvarishida agrotexnik tadbirlarni o‘z vaqtida va to‘g‘ri amalga oshirishni talab etadi. Bandixon tumanining Zafarobod hududidagi “Xurmozor nishoni” fermer xoʻjaligi paxta dalasida tuman hokimi A.Allamuradov hamda hududdagi fermer xo‘jaliklari ishtirokida paxta maydonlarida amalga bajarilishi zarur bo‘lgan vazifalar muhokama qilindi.
Fermer xoʻjaliklari rahbarlariga qator oralariga ishlov berish, shamollatish, mahalliy o‘g‘it bilan sug‘orish, g‘o‘zani chilpish va uni zararkunandalardan himoya qilish kabi tadbirlarni o‘z vaqtida va sifatli bajarish muhim ekani ta’kidlandi.
