Uzun tumanidagi Surxon mahallasida investitsiya dasturi asosida 150 o‘rinli 32-sonli davlat maktabgacha ta’lim tashkiloti qurilishi yakunlandi. Loyiha uchun 5 milliard 221 million so‘m mablag‘ yo‘naltirildi. Qurilish ishlari zamonaviy talablarga muvofiq olib borilib, barcha sharoitlarga ega muassasa barpo etildi.
Mazkur bog‘cha tantanali tarzda foydalanishga topshirilib, ochilish marosimida katta tantanaga ulanib ketdi. Endilikda kichkintoylar qulay, xavfsiz va zamonaviy sharoitda ta’lim-tarbiya olish imkoniyatiga ega. Binoda yengil konstruksiyali yotoqxona, o‘yin maydonchalari, oshxona, o‘quv va mashg‘ulot xonalari bilan to‘liq jihozlangan muhit yaratilgan.
