Termiz harbiy gospitalining malakali shifokorlari hamkorligida viloyatimizning olis hududlarida chuqurlashtirilgan tibbiy ko‘riklar hamda “Dolzarb 90 kun” loyihasi dorasida madaniy hordiq tadbirlari tashkil etilmoqda. Bu galgi tibbiy tadbirlar viloyat markazidan olis bo‘lgan Sherobod tumanidagi Xatak qishlog’I, Uzunsoy MFYda istiqomad qilayotgan aholi uchun o‘tkazildi. Ushbu tashabbus aholining sog‘ligini mustahkamlash, kasalliklarni erta aniqlash hamda malakali tibbiy maslahatlar berish orqali ularni ijtimoiy-huquqiy jihatdan qo‘llab-quvvatlashga qaratildi.
Chuqurlashtirilgan tibbiy ko‘rikka malakali nevropotolog, terapevt, onkolog, travmatolog hamda ginekologlar jalb qilinib, bolalardagi surunkali kasallik hamda ayollarda bachadon bo‘ynini tekshirish va rak oldi holatini aniqlash mumkin bo‘lgan kolposkopiya kabi tekshiruvlari o‘tkazildi.
Tashkil etilgan tibbiy ko‘riklar davomida Termiz garnizoni harbiy orkestori “Dolzarb 90 kun” loyihasi doirasida 47-umumta’lin maktabida ta’tilda bo‘lgan yoshlar bilan hamda aholi uchun jonli muloqotlar, vatanparvarlik ruhidagi uchrashuvlar va madaniy-ma’rifiy tadbirlar tashkil etildi. Bundan tashqari, ularga Xayrobod garnizoni faxriy qorovul shaxsiy tarkibi chiqishlari hamda jamoaviy TIMBILDING o‘yini kunni mazmunli o‘tishida o‘zgacha kayfiyat berdi.
