Farhod Alimov chempion

Termiz shahrida milliy sport turi kurash bo‘yicha faxriylar o‘rtasida O‘zbekiston chempionati bo‘lib o‘tdi. Ushbu nufuzli musobaqada respublikamizning barcha hududlaridan yetakchi sportchilar o‘z mahoratlarini namoyon etdi.
Chempionatda Muzrabot tumani sport maktabi kurash murabbiysi — Farhod Alimov 80 kilogramm vazn toifasida ishtirok etib, o‘z mahorat va tajribasini amalda ko‘rsatdi. Qizg‘in va murosasiz kechgan bellashuvlarda barcha raqiblarini mag‘lub etgan Farhod Alimov faxrli 1-o‘rinni egallab, chempionlik unvoniga sazovor bo‘ldi. Ushbu g‘alaba orqali u 2025-yil noyabr oyida Turkiyada bo‘lib o‘tadigan Jahon chempionatiga yo‘llanmani qo‘lga kiritdi.