“Open budjet” mablagʻlari hisobidan Bandixon tumani tibbiyot birlashmasi tasarrufidagi oilaviy poliklinikalar xodimlariga 40 dona zamonaviy komputer jamlanmalari topshirildi.
Bundan ko‘zlangan maqsad sog‘liqni saqlash sohasini raqamlashtirish va axborot tizimlari yagona kompleksini joriy etishdan iborat. Qolaversa, fuqarolarni oilaviy shifokor faoliyati samaradorligini oshirish, bemorlarning onlayn qabulga yozilishini ta’minlashda ham qulaylik yaratadi.
Patronaj profilaktik ko‘riklar, skrining tekshiruvlar va ular natijalarini tahlil qilish, bemorlarni qo‘shimcha tekshiruv, konsultatsiya va davolashga yo‘naltirish osonlashadi. Dori-vositalarini elektron retsept orqali berish hamda qayta bog‘lanishni elektron dastur orqali amalga oshirish uchun qulaylik yaratadi.
