Yurtimizda har yili hojilar uchun yaratilayotgan shart-sharoitlar tobora takomillashib, qulayliklar ortib bormoqda. Ayniqsa, ziyoratchilar uchun ajratilayotgan kvotalar soni ham yildan-yilga oshmoqda.
Joriy yilda Surxondaryodan 815 nafar fuqaro “Haj” safariga yo‘l olmoqda. Termiz xalqaro aeroportida Surxondaryo viloyatidan bo‘lajak hojilarni muborak “Haj” safariga kuzatish marosimi bo‘lib o‘tdi. Tadbirda viloyat hokimi Ulug‘bek Qosimov ishtirok etib, yurtdoshlarimizga samimiy tilaklar bildirdi va ularga oq yo‘l tiladi.
Kuzatuv marosimida diniy ulamolar, nuroniylar, otaxon-u onaxonlar va boshqa mehmonlar ishtirok etdi. Tadbirda yurt tinchligi, xalq farovonligi va ziyoratchilarning sog‘-omon ziyoratni ado etishlari uchun duolar qilindi.
Nuroniylar yurtimizda “Haj” safari uyushqoqlik bilan tashkil etilib, ziyoratchilarga e’tibor va g‘amxo‘rlik ko‘rsatilayotgani uchun chuqur minnatdorlik izhor etdilar.
