Manzarali loladaraxti haqida eshitganmisiz, bunday oʻsimlik turi asosan Shimoliy Amerikada yetishtiriladi. Bo‘yi 15 metr, diametri 3,5 metrgacha choʻziladigan ushbu daraxtning 18 kilogramm urug‘lari Sariosiyo tumanidagi 24-maktabning boʻsh turgan yer maydoniga qadaldi.
Loladaraxtining 1 kilogramm urug‘idan ming dona ko‘chat olinishi mumkin. Ushbu daraxt chiroyli manzara bilan birga daromad manbayi ham. Daraxtning 1 dona ko‘chati o‘rtacha 370 ming so‘mga baholanadi. Qolaversa, yog‘ochidan mebel, musiqa asboblari, radiopriyomniklar tayyorlashda, qishloq xoʻjaligi mashinasozligida, qogʻoz sanoatida keng foydalaniladi.
24-maktab tajribasi o‘zini oqlaydigan bo‘lsa, kelgusida hududdagi barcha maktablarda loladaraxti yetishtirilishi ko‘zda tutilgan.
