Xorazm viloyatidagi ta’lim muassasalarida plastik chiqindilarini alohida ajratib, ularni mablag‘ evaziga chiqindini qayta ishlash korxonalariga topshirish loyihasi amaliyotga tatbiq etilgan. Surxondaryo viloyatidagi ta’lim muassasalarida ham bu loyiha keng yo‘lga qoʻyilmoqda.
Xususan, sherobodlik ta’lim tizimi vakillari ham ushbu tashabbusni ilgari surishyapti. Hududdagi 46-sonli umumta’lim maktabida oddiy simlardan plastik idishlar toʻplash uchun alohida idish yasaldi.
Maktab plastik chiqindilarni bir joyga toʻplab, undan daromad koʻrish imkoniyatiga ega boʻldi. Bundan tushgan mablag‘ maktab ehtiyojlari, tozalik ishlari hamda oʻquvchilarning yanada bilim olishga bo‘lgan ishtiyoqini oshirish maqsadida ularni ragʻbatlantirish uchun ishlatiladi. Mazkur tashabbus bosqichma-bosqich hududdagi barcha ta’lim muassasalarida yo‘lga qo‘yiladi.
