Natija havas qilarli

Termiz davlat universitetining talabalari tanlagan sohalari sirlari o‘rganish bilan birga o‘z qiziqishlari doirasida san’at, ijod, ilm-fanda, sportda, ijodda mahoratlarini oshirib borishmoqda. Mahorat esa sinovlarda, davralarda sinaladi. Bu safar ham talabalar “Nazariy mexanika” fanidan IV xalqaro onlayn olimpiadada ishtirok etib, ana shunday sinovdan o‘tishdi.
Turkmaniston davlat energetika universitetida bo‘lib o‘tgan tanlovda dunyoning nufuzli 213 ta universitetidan 681 nafar talaba qatnashdi. Ushbu olimpiadada Termiz davlat universiteti jamoasi jamoaviy bahslarda 2-o‘rinni egalladi. Shuningdek, yakkalik bahslarda Fizika ta’lim yo‘nalishi 4-kurs talabasi Yorqin Valmurodov 3-o‘rinni qo‘lga kiritdi.