Bugungi kun rahbari qanday sifat va fazilatlarga ega bo‘lishi kerak? Maktabni boshqarishda qaysi zamonaviy yondashuvlardan foydalangan ma’qul? “Liderlik ko‘nikmalari: samarali boshqaruv uchun yangi yondashuvlar” mavzusida viloyat direktorlar kengashi a’zolari uchun o‘tkazilgan o‘quv seminarida ana shunday savollarga javob topish mumkin bo‘ldi.
Seminar davomida lider bo‘lishning muhimligi kabi masalalarga to‘xtalib, kerakli tavsiyalar berildi. Dastavval, viloyat direktorlar kengashi raisi Elvina Dilaverovna so‘zga chiqib, shu paytgacha kengash tomonidan amalga oshirilgan ishlar xususida to‘xtaldi.
Surxondaryo viloyati Direktorlar kengashi tashkil bo‘lganidan buyon bu kabi seminar-treninglar muntazam tashkil qilib kelinmoqda. Joylarga tashrif buyurib, yangi tayinlangan rahbarlar faoliyati bilan tanishilib, ularni qo‘llab-quvvatlash va ko‘mak berish orqali ishlar samaradorligi yanada oshirilmoqda. Shuni ta’kidlash lozimki, mamlakatimizdagi ta’lim sohasini rivojlantirishda Direktorlar kengashi ham munosib hissa qo‘shmoqda.
Nargiza Jumayeva,
Kengash a’zosi
