Professional faoliyatida ilk odim

Gruziyaning Tbilisi shahrida o‘tkazilgan “Tbilisi Grand Slam 2025” xalqaro dzyudo turniri bo‘lib o‘tdi. Dunyo dzyudochilarini bir yerda jamlagan ushbu nufuzli musobaqa qizg‘in kechganini ijtimoiy tarmoqlarda yoritilganidan payqash mumkin.
Unda O‘zbekiston terma jamoasi vakili Umar Bozorov -90 kilogramm vazn toifasida zafar quchdi. Final bellashuvida Bozorov jahon reytingida 24-o‘rinni egallab turgan fransuz dzyudochisi Aleksis Matyoni mag‘lubiyatga uchratdi.
Ushbu muvaffaqiyat natijasida u musobaqa oltin medali hamda jahon reytingi uchun 1 000 reyting ochkosini qo‘lga kiritdi. Mazkur yutuq Umar Bozorov uchun xalqaro musobaqalardagi ilk yirik g‘alaba bo‘lib, uning professional faoliyatida muhim ahamiyat kasb etadi.