Ekin ekmasa, yer solig‘i 3 barobar undiriladi

Mehnat qilmaslik, oltinga teng vaqtdan foydalanmaslik uyatdir. Ayniqsa, tomorqasi bo‘la turib, ishsizman deyish, yerdan unumli foydalanmaslikni hech bir sabab bilan oqlab bo‘lmaydi. Yurtimizda amalga oshirilayotgan islohotlar tag zamirida esa odamlarni halol mehnatga o‘rgatish, o‘zlaridagi imkondan unumli foydalanishlariga unday maqsadi mujassam. Shu sabab ham tomorqasiga ekin ekmagan kambag‘allarga bola puli va boshqa moddiy yordamlar to‘xtatiladi.
Qolaversa, tomorqasiga ekin ekmagan fuqarolardan yer solig‘ini 3 barobar miqdorda undirish davom ettiriladi. Qo‘shimcha ravishda bunday shaxslarga imtiyozli kredit berilmaydi. Holatni hokimlarning mahallalardagi yordamchilari nazoratga oladi.