Talabalar almashinuvi asosida

Ta’lim sohasida tajriba almashish muhim. Zarur bilim va tajribalar o‘zlashtirilsa, amaliyotga joriy etilsa, bu kelgusi avlod taqdiriga tub burilish yasashi aniq. Shu maqsadda, Denov tadbirkorlik va pedagogika instituti Indoneziyaning Pendidikan universiteti bilan xalqaro aloqalar o‘rnatib, o‘qituvchilarning tajriba orttirishi yo‘lga qo‘yilgan.
Ikki tomon vakillari bir necha bor tashriflarni amalga oshirgan edi. Shuningdek, hamkorlikda o‘qitish doirasida talabalar almashinuvi asosida ham indoneziyalik talabalar Pedagogika fakulteti Boshlang‘ich ta’lim yo‘nalishida tahsil olmoqda.
Hozirgi vaqtda institutning Pedagogika fakulteti Yoshlar masalalari va ma’naviy-ma’rifiy ishlar bo‘yicha dekan o‘rinbosari R.Ravshanqulova hamrohligida 3-bosqich talabalari N.Ro‘ziboyeva, O.To‘rayevalar esa Indoneziyada tahsilni davom ettirishmoqda.