Jizzaxliklar san’atimizdan bahramand bo‘ldi

Odamlar zamonaviylikdan, oldi-qochdi musiqalar, ha-deganda takrorlanadigan naqarotlardan zada bo‘lgan. Agar bunday kuy-qo‘shiqlarni odamlar san’at deyidigan bo‘lsa, ma’naviy saviyamiz ham haminqadar bo‘lib qolibdi-ku, degan xayolga borishimiz aniq.
Jizzax viloyatida “Surxondaryo madaniyati kunlari” doirasida Qumqo‘rg‘on tuman madaniyat bo‘limi ijodiy-badiiy jamoasi ijodiy safarda bo‘lib, haqiqiy san’at qanday bo‘lishini ko‘rsata oldilar. Milliy kuy-qo‘shiqlarimiz, xalq og‘zaki ijodi namunalari barchani raqsga chorladi.
Konsert dasturida xonandalar, xalq jamoalari, raqqosa qizlar guruhi tomonidan Surxondaryo madaniyati, milliy urf-odat va an’analarni tarannum etuvchi xalqimizning boy madaniy qadriyatlarini o‘zida mujassamlashtirgan xalq og‘zaki ijod namunalari harbiy xizmatchilar va ularning oila a’zolariga ko‘tarinki kayfiyat ulashdi.