Termiz Muhandislik texnologiya institutida Surxondaryo viloyat hokimi Ulugʻbek Qosimov hamda Oʻzbekiston Respublikasi Prezidenti huzuridagi Tadbirkorlik subyektlari huquqlarini va qonuniy manfaatlarini himoya qilish boʻyicha vakili D.Kasimov ishtirokida vohada faoliyat yuritayotgan tadbirkorlar bilan ochiq muloqot boʻlib oʻtdi.
Muloqotda vohada faoliyat yuritayotgan tadbirkorlar hamda OAV vakillari ishtirok etdi.
Ochiq muloqotdan koʻzlangan maqsad vohada ishbilarmonlik muhitini yanada yaxshilash, aholi bandligini, ayniqsa, ijtimoiy himoyaga muhtoj aholining bandligi taʼminlashda tadbirkorlarga qulaylik yaratishdan iborat.
Ishlab chiqarish quvvatini oshirish, mavjud imkoniyatlardan unumli foydalanish, yangi tashabbus va imkoniyatlardan samarali foydalangan holda ish oʻrinlari yaratish, qoʻshimcha bozor topish, aholi bandligini taʼminlash borasida ishbilarmonlarning taklif va tashabbuslari tinglandi.
A.Safarova
