Sharof Rashidov “yashil” toifadagi mahallaga aylandi

“Sharof Rashidov” mahallasi Termiz tumanidagi og‘ir hudud sifatida tanlab olingan edi. Mahallada qariyb bir oy mobaynida infratuzilmani yaxshilash tadbirlari amalga oshirildi. Ko‘chalar, yo‘llar tartibga keltirildi, asfaltlandi, ko‘makka muhtoj oilalarning xonadonlari ta’mirlab berildi. Yangi mahalla idorasi tashkil etildi.
Qisqa muddatlarda tadbirlar o‘z yakuniga yetib, mahalla “qizil” toifadan “yashil”ga o‘tkazildi. Shu munosabat bilan tantanali tadbir bo‘lib o‘tdi. Unda tuman hokimi Shuxrat Nazarov, mutasaddilar, mahalla faollari va nuroniylar ishtirok etishdi.
Shuningdek, mahallada topshiriqqa asosan boshqaruv servis kompaniyasi ish boshladi. Tuman hokimi BSK faoliyati bilan tanishib, kelgusida faoliyat ko‘lamini kengaytirib borish yuzasidan tegishli tavsiyalarini berdi.