Voha bo‘ylab sayohat

Yoshlar kuni yurtimizda keng nishonlanib kelinadi. sana munosabati bilan tadbirlar, tanlov-u musobaqalar, uchrashuv va kechalar o‘tkazilib, yoshlar sportga, kitobxonlikka, san’atga qiziqtiriladi. Bir so‘z bilan aytganda, vaqtlarini mazmunli o‘tkazishning choralari ko‘riladi. Jarqo‘rg‘on tumanida ham ushbu bayram munosabati bilan turli tadbir va uchrashuvlar tashkil etilmoqda.
Tuman hokimligi tashabbusi bilan bir guruh jarqo‘rg‘onlik yoshlar uchun sayohat uyushtirildi. Sayohat davomida ishtirokchilar Sariosiyo tumanidagi “Sangardak” sharsharasiga tashrif buyurdilar. Go‘zal va so‘lim tabiat manzaralaridan, tanga xush yoqguvchi salqin va toza havodan bahra oldilar. Tog‘ etaklaridan oqib o‘tguvchi sharsharaga maftun bo‘lgan yosh sayohatchilar, bir olam taassurotlar oldilar.