Har bir inson, farovon va emin-erkin yashashni istaydi. Shunday ekan, tinchlik va osoyishtalik deb atalmish bebaho ne’matni asrash har bir yurtdoshimizning burchi hisoblanadi. Xushyorlik xavf-xatardan asraydi, falokatlarning oldini oladi. Ayniqsa, tinchligimizga nimalar tahdid solayotganini oldindan ko‘rib, anglab olinsa, ularga qarshi chora topishga vaqt ham, imkon ham bo‘ladi. Bugun dunyoda yuz berayotgan turli voqea-hodisalar, tahdidlar birgina o‘sha davlat yoki mintaqa hayotiga daxldor degan inson ham adashadi.
Azaldan yurtimizda tinchlik va totuvlik, hamkorlik va hamjihatlik ruhi yuksak qadrlangan. Chunki insonlar ongini ezgu fikr egallasa, har qanday kelishmovchilik, buzg‘unchilik va yovuzlik rad etiladi. Ezgu fikrning ifodasi bo‘lgan so‘z yaxshilik va xushmuomalalikning keng yoyilishiga, bu o‘z navbatida, ezgu amallarning chuqur ildiz otishiga, har bir insonning o‘z vazifasini samimiy va sidqidildan ado etishiga va shu yo‘l bilan mamlakat rivoji hamda bunyodkorlikka yo‘l ochadi.
Shu boiski, Sho‘rchi tumanida xavfsizlik va jamoat tartibini saqlash, fuqarolar hushyorligi va ogohligini oshirish, tinchlik, osoyishtalik va barqarorlikni ta’minlash maqsadida tungi reyd tashkil etildi.
D.Mahmudova
